Италиялық бұрынғы футболшы Антонио Кассано «Милан» шабуылшысы Рафаэл Леаудың ойыны туралы тағы да қатаң пікір білдірді. Бұл туралы euro-football.ru хабарлайды .
Бұрынғы шабуылшы португалиялық футболшыны бұған дейін де сынаған, бұл жолы да өз ұстанымын жасырмады. Сондай-ақ ол «россонери» бас бапкері Массимилиано Аллегримен де тіл табыса алмайтынын меңзеді.
Кассаноның айтуынша, оған сандар мен статистика қызық емес. «Леау маған кімді еске салады, білесіз бе? Ришарлисонды. Кейде гол соғады, бірақ бұл өте нашар футболшы, бәрінен үзіліп қалғандай. Леаудың футболға мүлде қатысы жоқ», — деді ол Viva El Futbol-ға берген сұхбатында.
Ағымдағы маусымда Рафаэл Леау «Милан» сапында 13 матч өткізіп, 7 гол соғып, 1 нәтижелі пас берді.
“Zamin”-ді Telegram-нан оқыңыз!
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
