Габбия «Миланның» тең ойынында голға әкелген қателігін мойындады

А Сериясының 19-турындағы соңғы матчтарда «Милан» өз алаңында «Дженоаны» қабылдап, 1:1 есебімен тең түсті. Кездесуден кейін «россонери» қорғаушысы Маттео Габбия команда үшін сәтсіз өткен ойын туралы пікір білдірді. Бұл туралы euro-football.ru хабарлайды .

Габбияның айтуынша, «Милан» алаңға жеңіс үшін шыққан, бірақ нәтиже команданы қапалантқан. Қорғаушы қарсыластың голына әкелген қателікті дәл өзі жібергенін мойындап, сондай-ақ жауап голын тым кеш соққандықтан, жеңіс үшін соңына дейін күресуге үлгермегендерін атап өтті.

Осы тең ойыннан кейін «Милан» «Интерден» 3 ұпайға қалып қойды. Келесі турда Массимилиано Аллегридің шәкірттері «Фиорентинаға» қарсы ойнайды.