UFC-де кейде бір соққы — тіпті жекпе-жектің өзінде емес, дәл жекпе-жекке дейін жасалған әрекет те — маңызды шешімдерді өзгертіп жібереді. Жеңіл салмақта өнер көрсететін Арман Царукянға қатысты соңғы дау да осылай болды: ол уақытша чемпиондық жекпе-жекке таңдалмады.
Промоушен президенті Дана Уайттың айтуынша, бұл шешімге Арманның әрекеті тікелей әсер еткен. Мәселе мынада: жекпе-жек алдындағы дәстүрлі стердаун (бетпе-бет көз арбасу) кезінде Царукян қарсыласы Дэн Хукердің бетіне басымен соққы жасап жіберген. Жағдай ушығып кеткен соң, UFC ресмилері мен қауіпсіздік қызметі дереу араласып, файтерлерді ажыратып тастаған.
Көп ұзамай жеңіл салмақтағы уақытша чемпиондық белдік үшін жекпе-жек Арманға емес, Джастин Гэтжи мен Пэдди Пимблеттке берілгені белгілі болды. Яғни, титул жолындағы «кезек» те, «мүмкіндік» те басқа жаққа бұрылды.
Дана Уайт мұны ашық айтты:
«Титулға үміткерлерді таңдағанда түрлі факторларды ескереміз. Файтердің өзін ұстауы да соның қатарында. Арманның әрекеті шешімімізге жүз пайыз әсер етті», — деді ол журналист Робби Фоксқа берген сұхбатында.
Еске салайық, өткен жылдың қараша айында Арман Царукян дәл Дэн Хукерді 2-раундта қылғындыру әдісімен жеңген еді. Бірақ бұл жолы октагондағы нәтиже емес, октагонға дейінгі тәртіп бірінші орынға шықты.
Қысқасы, UFC-де тек жұдырық емес — ми да жұмыс істеуі керек. Өйткені чемпиондыққа апарар жолда кейде ең қиын қарсылас… өз эмоцияң болып қалады.
“Zamin”-ді Telegram-нан оқыңыз!
