Бахадир Жалолов MY5 телеарнасындағы «Эфирда Тўрахонов» бағдарламасына берген сұхбатында өміріндегі ең қиын әрі шешуші кезеңдер туралы ашық айтты.
Боксшының айтуынша, бір кездері спортты толық тастауға жақын болған:
«2016 жылы Олимпиадада жеңілгеннен кейін боксты тастағым келді. Басқа іспен айналысуды ойладым. Себебі 2017 жылы Гамбургте өткен әлем чемпионатының финалында да жеңіліп қалдым. Әкем қайтыс болғаннан кейін анама ‘енді басқа жұмыс істеймін’ дедім. Анам ‘Алла қаласа, бәрі жақсы болады, балам’ деп маған үлкен қолдау көрсетті.
Жаттықтырушым Тулкин аға да ‘әлі чемпион боласың, мықты боласың’ деп мені жігерлендірді. Осыдан кейін өзіме уәде бердім: ‘Алла қаласа, 2020 жылғы Олимпиадаға барып, міндетті түрде чемпион боламын’.
Осыдан кейін өте қатты еңбек еттім. Күніне үш рет жаттығып, өзіммен үздіксіз жұмыс істедім. Кейін досыммен бірге Америкаға, Майамиге бардық. Біз промоутерлер арқылы бардық. Жақсысы да, жаманы да бар. Біз жаманымен жұмыс істеп, көп қиындық көрдік.
Жаттығуға бару үшін 8 шақырымды жаяу жүретінбіз. Айына 400 доллар алатынбыз, бұл Америкада өмір сүруге жеткіліксіз еді. Көбіне макарон пісіріп жейтінбіз.
Бір күні мені спаррингке шығарды. Қарсыласым кубалық боксшы болды. Мен оны жеңдім. Ол мені көріп, ‘бұл бала қайдан шықты?’ деп таңғалды. Осыдан кейін жаттықтырушым мені жаттығуға өз көлігімен апаратын болды.
Осындай қиын сынақтардан өттік. Соңында, Аллаға шүкір, Олимпиадада үлкен жетістікке жеттік», — деді Жалолов.
