Madridtik «Real» jazgy transferler aldynda taǵy bir jas ári talantty futbolshyny nazaryna aldy. Ispanııa grandy qazirgi tańda turındik «Juventus» sapynda jarqyrap júrgen túrkııalyq futbolshy Kenan Yıldızdyń transferi boıynsha múmkindikterdi zerttep jatyr.
Italııanyń bedeldi Gazzetta dello Sport basylymynyń málimetinshe, «qajymaqtylar» 21 jasar shabýylshy futbolshyny jazgy transferlik tereze úshin basty nysanalardyń biri retinde qarastyryp otyr.
Habarlanǵandaı, «Real» prezıdenti Florentino Peres klýbtyń osy maýsymdaǵy keıbir sátsiz nátıjelerinen keıin quramdy odan ári kúsheıtýdi sheshken.
Ásirese, La Liga men Champions League týrnırlerinde kútilgen nátıjeler tirkelmegen soń, madrıdter basshylyǵy jańa ári talantty futbolshylardy izdeýge kiristi.
Kenan Yıldız qazirgi tańda Eýropadaǵy eń perspektıvaly jas futbolshylardyń biri retinde baǵalanýda. Túrkııalyq futbolshy óziniń tehnıkasymen, jyldamdyǵymen, alańdy jaqsy kóre bilýimen jáne shabýyldaǵy kreatıvti áreketterimen mamandardyń nazaryn aýdaryp keledi.
Budan buryn Anglııanyń «Chelsea» klýby da Yıldızǵa erekshe qyzyǵýshylyq tanytqany týraly aqparattar taraǵan bolatyn.
Alaıda 2026 jyly aqpanda futbolshy «Juventus»-pen kelisimshartyn 2030 jyldyń jazyna deıin uzartty. Bul turındikterdiń ony klýbtyń bolashaq jobasyndaǵy mańyzdy fıgýra retinde kóretinin bildiredi.
Sondaı-aq, «Real» futbolshy tóńiregindegi jaǵdaıdy muqııat baqylap otyr. Ispanııa klýby bolashaq úshin myqty ári jas quram qalyptastyrýdy basty mindetterdiń biri dep belgiledi.
Kenan Yıldız 2022 jyldan beri «Juventus» namysyn qorǵap keledi. Ol Italııa klýbyna Germanııanyń «Bayern» akademııasynan kelip qosylǵan edi.
Qysqa ýaqyt ishinde túrkııalyq talant ıesi tek «Juventus» jankúıerleriniń ǵana emes, búkil Eýropa fýtbol mamandarynyń nazaryn ózine aýdara aldy.
Baıqaýshylardyń pikirinshe, eger Yıldız osy qarqynmen ósýin jalǵastyra berse, jaqyn jyldary ol Eýropa fýtbolyndaǵy eń qymbat ári suranysy joǵary futbolshylardyń birine aınalýy múmkin.
“Zamin”-ді Telegram-нан оқыңыз!
