Yandex браузері командасы интернеттегі ақпаратты қабылдауда қиындықтарға тап болатын жандар үшін арнайы функцияны ұсынды. Енді Алиса жасанды интеллекті күрделі мәтіндерді қарапайым және түсінікті тілге айналдырып береді.
Бұл туралы Ixbt.com хабарлайды.
Компанияның баспасөз қызметінің мәліметінше, мұндай қызмет әлемде алғаш рет іске асырылып отыр. Жүйе күрделі сөйлемдер мен терминдерді оңай түсінілетін сөздермен алмастырады.
Бұл әсіресе қарт адамдар мен есту қабілетінде ақауы бар пайдаланушылар үшін қолайлы жағдай жасайды.
Қызмет Alice AI LLM тілдік моделі негізінде жұмыс істейді. Ол мәтіннің құрылымы мен тақырыптарын сақтай отырып, ұзын сөйлемдерді бірнеше қысқа сөйлемдерге бөледі.
Мысалы, авиация туралы мәтінде шассидің ұшақтың бір бөлігі екенін нақты түсіндіріп өтеді.
Аталған функцияны браузер баптауларындағы арнайы мүмкіндіктер бөлімінен қосуға болады. Осыдан кейін орыс тіліндегі сайттарда мәтінді бейімдеуге мүмкіндік беретін арнайы батырма пайда болады.
“Zamin”-ді Telegram-нан оқыңыз!
