Энергетика министрлiгiнiң баспасөз қызметiнiң хабарлауынша, биылғы жылдың 3 қарашасында сағат шамамен 22:10-да Андижан облысында жол-көлiк оқиғасы болған. Жүк машинасының жүргiзушiсi рөлде ұйықтап қалып, "Л-Яйылма-2" деп аталатын 110 кВ қуаты бар электр беру желiсi бағанасына соғылған.
Оқиға салдарынан 13 750 тұтынушы электр жарығынсыз қалған. Электр энергиясының өшiрiлуi Андижан қаласы, Андижан және Олтiнкөл аудандарындағы "Хурсандлык", "Iлгерi", "Найзакайрогач", "Чулпон 100 жылдығы", "Шодлык", "Далварзин", "Сафаий", "Пахтакор", "Санаат", "Ұйғыр", "Тәуелсiздiк" және "Жавалек" махаллелерiне әсер еткен.
Жағдайды жою мақсатында түнде апаттық бригада электрмен жабдықтауды жедел қалпына келтiру жұмыстарын атқарған. Мәліметтерге қарағанда, жүк машинасының жүргiзушiсi жарақат алып, ауруханаға жатқызылған.
Оның денсаулығы жағдайы туралы ақпарат берiлмеген.
