Qoraqalpog‘istonlik baxshi qiz Polshada gran-prini qo‘lga kiritdi

  • 09 iyul 2019, 00:23
  • 961
  • Madaniyat
  • Qoraqalpog‘istonlik baxshi qiz Polshada gran-prini qo‘lga kiritdi
    Foto: «Xalq so‘zi»
    Yaqinda, ya’ni 29 iyundan 6 iyulgacha Polshada bo‘lib o‘tgan “Zolotaya lodka” xalqaro tanlovida qoraqalpog‘istonlik Dinara Nuratdinova bosh sovrin – gran-prini qo‘lga kiritdi.

    Gruziya, Ukraina, Ozarbayjon, Rossiya, Italiya va boshqa mamlakatlarning san’at ustalari ishtirok etgan mazkur nufuzli tanlovda Dinara Nuratdinova baxshichilik yo‘nalishida o‘z mahoratini namoyish etib, tomoshabinlarning hamda hay’at a’zolarining e’tirofiga sazovor bo‘ldi.

    Foto: «Xalq so‘zi»
    - Nukus pedagogika institutida tahsil olish bilan birga ajdodlarimiz merosi bo‘lgan baxshichilik san’ati sir-asrorlarini ham o‘rganmoqdaman, - deydi D.Nuratdinova. - Xalqaro tanlovda yuksak darajada e’tirof etilganimdan cheksiz xursandman. Bu, Prezidentimizning yoshlarga yaratib bergan keng imkoniyatlari samarasidir, albatta.

    » » Qoraqalpog‘istonlik baxshi qiz Polshada gran-prini qo‘lga kiritdi