Bugun Toshkent viloyatining Olmaliq shahrida O‘zbekistonda eng katta palov tayyorlandi. Ekspertlarning qayd etishicha, rekord miqdordagi ushbu taomning og‘irligi 6 tonnani tashkil etdi.
Palov diametri 4,2 metr, hajmi deyarli 8 ming litr bo‘lgan qozonda pishirildi. Ushbu qozon Olmaliq kon-metallurgiya kombinatida mazkur tadbir uchun maxsus quyib tayyorlangan. Qozonning umumiy og‘irligi 7 070 kg., chuqurligi 1 metr. O‘choqning og‘irligi esa deyarli 3 tonna.
Palovni tayyorlash uchun rekord miqdordagi masalliqlardan foydalanildi. Xususan, 826 kg. mol go‘shti, 825,5 kg. qo‘y go‘shti, 195 kg. dumba va eng asosiysi, 1 650 kg. guruch qozonga solindi. Shuningdek, 2,4 ming kg. sabzi, 185 kg. piyoz, 350 litr o‘simlik yog‘i, 480 kg. tuz ham ishlatildi hamda 4,5 kg. zira, 165 kg. zirk, 90 kg. no‘xat va 3 kg. qora murch bilan palovning ta’mi rostlandi.
Ushbu palovni tayyorlash uchun O‘zbekistonning 50 dan ziyod taniqli oshpazlari jam bo‘lishdi. Ular taomni 2 metrli kapgirda aralashtirib, suzishdi. Tayyor taom tadbir mehmonlari hamda Olmaliqning 22 mingdan ziyod aholisiga tarqatildi.
Tashkilotchilarning ma’lumotlariga ko‘ra, bu tadbir dunyodagi eng katta palovni tayyorlash oldidan repetisiya jarayoni edi. O‘zbekistonda tayyorlangan eng katta palov bo‘yicha dunyo rekordini o‘rnatish va uni Ginnes rekordlari kitobiga kiritish uchun rasmiy urinish shu yilning 8 sentyabrida “O‘zbegim” an’anaviy madaniyat festivali doirasida bo‘lib o‘tadi.
Manba: uzbekistan24.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi