Бугун Тошкент вилоятининг Олмалиқ шаҳрида Ўзбекистонда энг катта палов тайёрланди. Экспертларнинг қайд этишича, рекорд миқдордаги ушбу таомнинг оғирлиги 6 тоннани ташкил этди.
Палов диаметри 4,2 метр, ҳажми деярли 8 минг литр бўлган қозонда пиширилди. Ушбу қозон Олмалиқ кон-металлургия комбинатида мазкур тадбир учун махсус қуйиб тайёрланган. Қозоннинг умумий оғирлиги 7 070 кг., чуқурлиги 1 метр. Ўчоқнинг оғирлиги эса деярли 3 тонна.
Паловни тайёрлаш учун рекорд миқдордаги масаллиқлардан фойдаланилди. Хусусан, 826 кг. мол гўшти, 825,5 кг. қўй гўшти, 195 кг. думба ва энг асосийси, 1 650 кг. гуруч қозонга солинди. Шунингдек, 2,4 минг кг. сабзи, 185 кг. пиёз, 350 литр ўсимлик ёғи, 480 кг. туз ҳам ишлатилди ҳамда 4,5 кг. зира, 165 кг. зирк, 90 кг. нўхат ва 3 кг. қора мурч билан паловнинг таъми ростланди.
Ушбу паловни тайёрлаш учун Ўзбекистоннинг 50 дан зиёд таниқли ошпазлари жам бўлишди. Улар таомни 2 метрли капгирда аралаштириб, сузишди. Тайёр таом тадбир меҳмонлари ҳамда Олмалиқнинг 22 мингдан зиёд аҳолисига тарқатилди.
Ташкилотчиларнинг маълумотларига кўра, бу тадбир дунёдаги энг катта паловни тайёрлаш олдидан репетиция жараёни эди. Ўзбекистонда тайёрланган энг катта палов бўйича дунё рекордини ўрнатиш ва уни Гиннес рекордлари китобига киритиш учун расмий уриниш шу йилнинг 8 сентябрида “Ўзбегим” анъанавий маданият фестивали доирасида бўлиб ўтади.
Манба: uzbekistan24.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
Боррел ЕИнинг Исроил билан мулоқотини тўхтатишни таклиф қилди
Организм ўзини токсинлардан қандай тозалайди?
Буйрак саломатлиги учун энг фойдали сабзавот...
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Яхши пишган ва мазали анор танлашга ёрдам берадиган тавсиялар
