Artur Gevorkyan va Nemanya Yanichich “Lokomotiv”ni tark etdi

  • 20 yanvar 2017, 22:10
  • 4 065
  • Sport
  • Artur Gevorkyan va Nemanya Yanichich “Lokomotiv”ni tark etdi

    2016 yilgi mavsumni Toshkentning “Lokomotiv” klubi safida o‘tkazgan yarim himoyachi Artur Gevorkyan va himoyachi Nemanya Yanichich “temiryo‘lchilar”ni tark etdi.

    Har ikki futbolchining shartnoma muddati o‘z nihoyasiga etgani bois klub murabbiylar shtabining qaroriga ko‘ra shartnoma uzaytirilmadi. Natijada serbiyalik va turkmanistonlik legioner erkin agentga aylandi.

    O‘tgan mavsumda Artur Gevorkyan “temiryo‘lchilar”ning 19 o‘yinida maydonga tushib, 1 ta gol kiritgan. Serbiyalik himoyachi esa “Lokomotiv” tarkibida 22 uchrashuvda ishtirok etgandi.

    “Lokomotiv” yangi mavsum oldidan jami 6 nafar futbolchi bilan xayrlashishga ulgurdi. Gevorkyan va Yanichichdan avval klubni Ivan Nagaev tark etgandi. Server Jeparov Eronning “Istiqlol” klubi bilan, Temurxo‘ja Abduxoliqov va Sanjar Shoahmedov esa Qatarning “Al-Sayliya” jamoasi bilan shartnoma imzolagandi.

    O‘z navbatida, “Lokomotiv” ikki nafar ivuarlik futbolchi — 19 yoshli hujumchi Gnoxere Krizo va 23 yoshli himoyachi Muhammad Kone bilan shartnoma imzoladi.

    Manba: www.the-uff.com

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Artur Gevorkyan va Nemanya Yanichich “Lokomotiv”ni tark etdi