Артур Геворкян ва Неманья Яничич “Локомотив”ни тарк этди

  • 20 январь 2017, 22:10
  • 4 032
  • Спорт
  • Артур Геворкян ва Неманья Яничич “Локомотив”ни тарк этди

    2016 йилги мавсумни Тошкентнинг “Локомотив” клуби сафида ўтказган ярим ҳимоячи Артур Геворкян ва ҳимоячи Неманья Яничич “темирйўлчилар”ни тарк этди.

    Ҳар икки футболчининг шартнома муддати ўз ниҳоясига етгани боис клуб мураббийлар штабининг қарорига кўра шартнома узайтирилмади. Натижада сербиялик ва туркманистонлик легионер эркин агентга айланди.

    Ўтган мавсумда Артур Геворкян “темирйўлчилар”нинг 19 ўйинида майдонга тушиб, 1 та гол киритган. Сербиялик ҳимоячи эса “Локомотив” таркибида 22 учрашувда иштирок этганди.

    “Локомотив” янги мавсум олдидан жами 6 нафар футболчи билан хайрлашишга улгурди. Геворкян ва Яничичдан аввал клубни Иван Нагаев тарк этганди. Сервер Жепаров Эроннинг “Истиқлол” клуби билан, Темурхўжа Абдухолиқов ва Санжар Шоаҳмедов эса Қатарнинг “Ал-Сайлия” жамоаси билан шартнома имзолаганди.

    Ўз навбатида, “Локомотив” икки нафар ивуарлик футболчи — 19 ёшли ҳужумчи Гнохере Кризо ва 23 ёшли ҳимоячи Муҳаммад Коне билан шартнома имзолади.

    Манба: www.the-uff.com

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Артур Геворкян ва Неманья Яничич “Локомотив”ни тарк этди