Yevropa chempionlar ligasi 1/8 final bosqichi ilk bahsidan oʻrin olgan “Manchester Yunayted” – “PSJ” uchrashuvi oʻz yakuniga yetdi. “Old Trafford”da boʻlib oʻtgan bahsda mehmonlar gʻalabani qoʻlga kiritishdi.
Birinchi boʻlim keskin va qoʻpol oʻyinga boy boʻldi. Darvozalar oldidagi xavfli vaziyatlardan sariq kartochkalar soni koʻproq boʻldi. Maydon egalari taym oxirida ikki majburiy oʻzgarishni amalga oshirishdi va bu keyingi boʻlimga oʻz taʼsirini oʻtkazmay qolmadi.
Ikkinchi boʻlimni parijliklar faol boshlashdi va 53–daqiqada standart vaziyatni golga aylantirishdi. Anxel Di Mariya tomonidan burchakdan uzatib berilgan toʻpni Presnel Kimpembe yaqin masofadan darvozaga joylab qoʻydi.
Oradan koʻp vaqt oʻtmay mehmonlar ikkinchi golni ham kiritishdi. Di Mariya chap qanotdan tezlik oldi va jarima maydoniga uzatmani amalga oshirdi, u yerda Kilian Mbappe deyarli boʻsh qolgan darvozani ishgʻol qildi.
Shundan soʻng mankunianlar bosimni oshirishga harakat qilishdi. Biroq oldingi chiziqda mezbonlar hech narsa qila olishmadi. Buning ustiga bahs yakunlanishi arafasida Pol Pogba ikkinchi sariq kartochkasini olib maydonni tark etdi.
Ushbu jamoalar oʻrtasidagi javob oʻyini 6 mart kuni Parijda boʻlib oʻtadi.
YECHL
1/8 final, ilk oʻyin
Manchester Yunayted Angliya – PSJ Fransiya 0:2 (0:0, 0:2)
Gollar: 0:1 – 53 Kimpembe, 0:2 – 60 Mbappe.
Manchester Yunayted – De Xea, Bayi, Shou, Yang, Lindelef, Lingard (Sanches, 45), Matich, Pogba, Errera, Marsyal (Mata, 46), Reshford (Lukaku, 84).
PSJ – Buffon, Kerer, Tiago Silva, Kimpembe, Markinos, Draksler, Verratti (Paredes, 75), Dani Alves, Di Mariya (Dagba, 81), Bernat, Mbappe.
Ogohlantirishlar: Kimpembe (11), Draksler (19), Pogba (26), Yang (30), Bernat (34), Lindelef (50), Dani Alves (62), Errera (87), Shou (90).
Chetlatish: Pogba (89).
Manba: www.uff.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi