«Антальяспор» ҳимоячиси Георгий Джикия атрофидаги эҳтимолий трансфер гап-сўзларига футболчининг агенти Владимир Кузьмичёв изоҳ берди. Бу ҳақда euro-football.ru хабар беради.
Агентнинг айтишича, Джикиянинг ҳолати яхши ва клуб мураббийлар штаби унга ишонмоқда. Сўнгги ўйинларда у майдонга тушмаганига сабаб микрожароҳат бўлган, ҳозир эса футболчи тикланиб улгурган ва кейинги учрашувда ўйнаши кутилмоқда.
Аввалроқ турк матбуотида «Спартак»нинг собиқ саркардоси билан клуб хайрлашмоқчи экани ҳақида хабарлар тарқалган эди.
Джикиянинг Туркия чемпионати жорий мавсумида 12 та ўйинда майдонга тушиб, 2 та гол ургани қайд этилди. Унинг «Антальяспор» билан амалдаги шартномаси 2027 йил ўрталаргача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
