Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида ҳам тўп суриб, ҳатто жамоа билан мамлакатнинг иккинчи лигасида чемпионликни қўлга киритган эди. Бу ҳақда euro-football.ru хабар беради.
Эндиликда Трезеге Буэнос-Айресдаги клубга футболчи сифатида эмас, раҳбарият таркибида иш бошлаш учун келмоқда. «Ривер Плейт» унинг клубдаги аниқ лавозимини ошкор қилмади, бироқ собиқ юлдуз иштирокида раҳбарият тўлиқ қатнашган тақдимот маросимини ўтказди.
Тадбир давомида Трезеге стратегик масалалар билан шуғулланиши ва «Ривер Плейт»ни институционал даражада вакиллик қилиши маълум қилинди. Эслатиб ўтамиз, француз футболчи профессионал фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
