Туриннинг «Ювентус»и ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ Буэнос-Айресдаги «Ривер Плейт» сафида тўп суриб, ҳатто клуб билан Аргентина футболининг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Бу сафар Трезеге майдонга эмас, клуб бошқарувига келмоқда. «Ривер Плейт» собиқ футболчини раҳбарият иштирокида тақдимот маросими орқали таништирди, бироқ унинг аниқ лавозими ҳозирча очиқланмади.
Клуб берган маълумотга кўра, Трезеге стратегик масалалар билан шуғулланади ва «Ривер Плейт»ни институционал даражада вакиллик қилади.
Эслатиб ўтамиз, француз футболчи 2015 йилда профессионал фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
