Бразилия терма жамоаси қанот ҳужумчиси Рафинья бош мураббий Карло Анчелоттининг миллий жамоага таъсири ҳақида фикр билдирди. Бу ҳақда euro-football.ru хабар беради.
Футболчининг айтишича, италиялик мутахассис уни ишлаш услуби билан жуда ҳайратга солган: у ўйинчиларга жуда яқин бўлади ва бу жамоа ичидаги муҳитга сезиларли таъсир кўрсатади. Рафинья Sofascore’га берган интервьюсида Анчелотти келганидан кейин терма жамоа яна ўзаро алоқаларни тиклай бошлаганини таъкидлади.
Ёзда Анчелотти бошқарувидаги Бразилия терма жамоаси жаҳон чемпионатида иштирок этади. Гуруҳ босқичида “селесао” Марокаш, Гаити ва Шотландияга қарши ўйнайди. Ушбу квартетда бразилияликлар аниқ фаворит сифатида кўрилмоқда.
Аввалги мундиалда Бразилия терма жамоаси чорак финал босқичидаёқ мусобақани тарк этган эди.
“Zamin”ни Telegram'да ўқинг!
