VTB банки "Почта банки" билан бирлашиш жараёнини якунлади

VTB банки "Почта банк" билан юридик бирлашиш жараёнини тўлиқ якунлади. Ушбу жараён босқичма-босқич амалга оширилди. Бу ҳақда Ixbt.com хабар беради.

Бирлашган банк тармоғи Россиядаги энг йирик тармоққа айланди. Эндиликда VTB мижозлари 4,5 мингта хизмат кўрсатиш нуқтаси ва 23 мингта почта бўлимида хизматлардан фойдаланиши мумкин.

VTB бошқаруви раиси Андрей Костин мижозлар хизматлардан онлайн, бўлимларда, сайёр менежерлар орқали ва почта бўлимларида фойдаланиши мумкинлигини таъкидлади.

Андрей Костин: «VTB ва "Почта банк" бирлашуви сўнгги йиллардаги энг йирик интеграция лойиҳаларидан биридир. Биз йирик ва кичик шаҳарлар ўртасидаги фарқни йўқотиб, молиявий хизматлар кўрсатиш моделини ўзгартирдик».

2024 йилда VTB "Почта банк"даги улушни тўлиқ сотиб олиб, кредит ташкилотининг ягона эгасига айланган эди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг