Россияда "Алиса AI" энг машҳур сунъий интеллект сервисига айланди
Россияда "Алиса AI" сунъий интеллект сервиси энг машҳур бўлиб, фойдаланувчиларнинг 71 фоизи уни афзал кўради. ОМI компанияси ўтказган тадқиқотга кўра, ёшлар сунъий интеллектдан фаол фойдаланмоқда, 18-24 ёшдаги фойдаланувчиларнинг ярми ҳафтасига камида уч марта мурожаат қилади. Фойдаланувчиларнинг 62 фоизи бепул форматдаги реклама кўрсатиладиган хизматларни танлайди. Тадқиқотда иштирок этганларнинг 52 фоизи Россиянинг сунъий интеллект соҳасида етакчи давлатлар қаторига киришини ишонч билан айтган.
OMI компанияси ўтказган тадқиқотга кўра, нейротармоқлар Россияда шунчаки контент яратиш воситасидан қарор қабул қилиш воситасига айланмоқда. Бу ҳақда Ixbt.com хабар беради.
Ёшлар ушбу технологиялардан фаол фойдаланмоқда. Хусусан, 18-24 ёшдаги фойдаланувчиларнинг ярми ҳафтасига камида уч марта сунъий интеллектга мурожаат қилади.
Фойдаланувчиларнинг 62 фоизи реклама кўрсатиладиган бепул форматни афзал кўради. Ҳар бешинчи киши харид қилиш ёки бўш вақтни ўтказишда нейротармоқлардан ёрдам сўрайди.
Энг оммабоп хизматлар рўйхатида "Алиса AI" 71 фоиз кўрсаткич билан етакчилик қилмоқда. Ундан кейинги ўринларни ChatGPT (42 фоиз), GigaChat (38 фоиз) ва DeepSeek (25 фоиз) эгаллаган.
Сўровнома иштирокчиларининг 52 фоизи Россия сунъий интеллект соҳасида етакчи давлатлар қаторига киришига ишонч билдирган. Тадқиқот 2026 йил март ойида 2328 нафар фойдаланувчи ўртасида ўтказилди.
Изоҳлар 0
…