Россия терма жамоасининг собиқ бош мураббийи Юрий Семин «Евро-Футбол.Ru» нашрига берган интервьюсида ПСЖ дарвозабони Матвей Сафоновнинг жорий мавсумдаги самарадорлиги ҳақида фикр билдирди. Бу ҳақда euro-football.ru хабар беради.
Семиннинг таъкидлашича, Сафонов ҳозирда Париж клубининг аниқ асосий посбони ҳисобланади ва старт таркибида майдонга тушишга муносиб. Мутахассис дарвозабон хатога йўл қўйса, ўйин амалиёти камайиши мумкинлигини ҳам қайд этди.
26 ёшли дарвозабон Лига 1да шу мавсум тўртта учрашувда майдонга тушиб, учта гол ўтказиб юборди. Икки ўйинда эса дарвозаси дахлсизлигини сақлаб қолди. Чемпионлар лигасида Сафонов икки баҳсда иштирок этиб, бир гол ўтказди.
Сафоновнинг ПСЖ билан амалдаги шартномаси 2029 йилнинг ўрталаригача мўлжалланган.
“Zamin”ни Telegram'да ўқинг!
