«Ал-Ҳилол» Кулибали билан шартномани 2027 йилгача узайтирди

Марказий ҳимоячи Калиду Кулибали кейинги мавсумда ҳам «Ал-Ҳилол» сафида тўп суради. Саудия клуби расмий сайти орқали сенегаллик футболчи билан тузилган шартнома узайтирилганини маълум қилди. Бу ҳақда euro-football.ru хабар беради.

Томонлар янги келишув бўйича барча ҳужжатларга имзо чекди. Шартнома 2027 йилнинг ўрталаригача амал қилади.

Кулибали «Ал-Ҳилол»га 2023 йилда келиб қўшилган. У бунгача Европада «Мец», «Генк», «Наполи» ва «Челси» клубларида ўйнаган.

Ҳимоячи Саудия Арабистонига юқори маош сабаб келганини яширмаган, кейинчалик эса маҳаллий чемпионат даражаси ҳам ёмон эмаслигини таъкидлаган эди.

Айни пайтда «Ал-Ҳилол» Саудия Про-лигаси турнир жадвалида пешқадам. Иккинчи ўриндаги «Ал-Наср» эса бир очко ортда бормоқда.

Abror Tovmurodov

«ZAMIN.UZ» муҳаррири