Алдо Серена «Милан» Скудетто учун курашда қолади, деди

Италиянинг «Интер» жамоасида ҳужумчи бўлиб ўйнаган Алдо Серена бу мавсум «Интер»нинг асосий рақиби «Милан» имкониятларини юқори баҳолади. Унинг фикрича, Массимилиано Аллегри бошчилигидаги жамоа ҳозирча беш очко ортда бораётган бўлса-да, чемпионлик пойгасида охирги тургача таслим бўлмайди. Бу ҳақда euro-football.ru хабар беради.

Серена «Милан»нинг даъвоси сақланиб қолаётганини «Интер»нинг Европа Чемпионлар лигасидаги иштироки билан ҳам изоҳлади: у ерда ўйинлар оғир ва куч талаб қилади. «Шу сабабли мен «Милан»ни чемпионлик учун курашда ҳатто фаворит сифатида ҳам кўряпман», — дея унинг сўзларини pianetamilan.it келтирди.

Март ойи бошида «Милан» ва «Интер» ўзаро учрашув ўтказади — дерби 8-март куни бўлиб ўтади.

Abror Tovmurodov

«ZAMIN.UZ» муҳаррири