Italiyaning «Inter» jamoasida hujumchi bo‘lib o‘ynagan Aldo Serena bu mavsum «Inter»ning asosiy raqibi «Milan» imkoniyatlarini yuqori baholadi. Uning fikricha, Massimiliano Allegri boshchiligidagi jamoa hozircha besh ochko ortda borayotgan bo‘lsa-da, chempionlik poygasida oxirgi turgacha taslim bo‘lmaydi. Bu haqda euro-football.ru xabar beradi.
Serena «Milan»ning da’vosi saqlanib qolayotganini «Inter»ning Yevropa Chempionlar ligasidagi ishtiroki bilan ham izohladi: u yerda o‘yinlar og‘ir va kuch talab qiladi. «Shu sababli men «Milan»ni chempionlik uchun kurashda hatto favorit sifatida ham ko‘ryapman», — deya uning so‘zlarini pianetamilan.it keltirdi.
Mart oyi boshida «Milan» va «Inter» o‘zaro uchrashuv o‘tkazadi — derby 8-mart kuni bo‘lib o‘tadi.
“Zamin”ni Telegramʻda oʻqing!
