Римнинг “Рома” клуби собиқ сардори Франческо Тотти фаолияти давомида португалиялик мураббий Жозе Моутинью билан бирга ишлаш насиб этмаганидан афсусда эканини айтди. Моутинью кейинроқ римликлар билан ишлаган бўлса-да, бу пайтда Тотти аллақачон 2017 йилда футболчилик фаолиятини якунлаб бўлганди. Бу ҳақда euro-football.ru хабар беради.
Тоттининг таъкидлашича, у Моутинью қўл остида ўз имкониятларини янада тўлиқроқ намоён қила олган бўларди. Унинг фикрича, Моутинью футболчиларга майдонда эркинроқ ўйнашга шароит яратадиган, жамоани жуда яхши бошқара оладиган мутахассис. “Таркибда шунча юлдуз бўлса, уларни шунчаки машқ қилдириш эмас, бошқара билиш ҳам муҳим”, дея Тотти сўзларини келтиради fcinter1908.it.
Эслатиб ўтамиз, ҳозир “Рома” А Серияда бешинчи ўринда бормоқда.
“Zamin”ни Telegram'да ўқинг!
