Нигериялик ҳужумчи Виктор Осимҳен «Наполи»дан кетиш қарори ортида клуб раҳбарияти билан боғлиқ сабаблар ётганини маълум қилди. Футболчининг айтишича, унга берилган айрим ваъдалар бажарилмаган. Бу ҳақда euro-football.ru хабар беради.
Осимҳен мухлислар олдида вазият изоҳланмагани учун афсусдалигини билдириб, тик-токдаги видеолар эълон қилингач, клуб билан муносабатлар совуқлашганини таъкидлади. Унинг фикрича, пеналтни ура олмаслик каби хатолар футболнинг бир қисми ва бу сабаб футболчини масхара қилиш тўғри эмас.
Шунингдек, ҳужумчи ўзига нисбатан ирқчилик оҳангидаги ҳақоратлар бўлганини, ҳолбуки раҳбарият бундай воқеа такрорланмаслигини ваъда қилганини айтди. Осимҳен кетишни истаганини билишгач эса, клуб ичида унга муносабат кескин ўзгарганини қўшимча қилди.
Ҳозирда Виктор Осимҳен Туркиянинг «Галатасарай» клубида тўп сурмоқда.
“Zamin”ни Telegram'да ўқинг!
