Криштиану Роналду «Ал-Наср» билан келишмовчиликларни бартараф этиб, бойкотдан кейин яна майдонга қайтди. Шунга қарамай, ёзда португалиялик юлдуз клубини ўзгартириши эҳтимоли сақланиб қолмоқда. Бу ҳақда euro-football.ru хабар беради.
The Touchline хабарига кўра, агент Жорже Мендеш ёзги трансфер ойнаси арафасида Европанинг бир қатор етакчи клубларига қўнғироқ қилиб, 41 ёшли Роналдуни таркибга қўшиш вариантини таклиф қилмоқда.
Бир неча йил аввал ОАВда Роналду «Манчестер Юнайтед»дан кетганидан кейинги келишмовчиликлар туфайли Мендеш билан ҳамкорликни тўхтатгани ҳақида ёзилган эди. Аммо Transfermarkt маълумотларида Криштиану ҳануз Мендеш агентлиги мижози сифатида кўрсатилган.
Ҳозирги шартномага кўра, Роналду «Ал-Наср» билан 2027 йил ўрталаргача боғланган.
“Zamin”ни Telegram'да ўқинг!
