«Шанхай Шэньхуа» Осиё Чемпионлар лигасида етти турдан сўнг плей-офф йўлланмаси учун кураш имконини бой берганди. 8-турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги имконият эди, аммо «эшикни қарс» ёпишнинг уддаси чиқмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Бурирам Юнайтед» биринчи бўлимнинг илк дақиқаларида икки бор аниқ зарба берди: 11-дақиқада Гуд Кёртис, 22-дақиқада эса Супханат Муеанта гол муаллифи бўлди. Орадан кўп ўтмай «Шанхай Шэньхуа» бир футболчига камайиб қолди ва бу вазият ўйиндаги интригани деярли йўққа чиқарди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
