Осиё Чемпионлар лигасида етти турдан сўнг плей-офф умидлари сўнган «Shanghai Shenhua» саккизинчи турда «Buriram United»га қарши майдонга тушди. Леонид Слуцкий жамоаси турнир билан хайрлашишдан аввал ҳеч бўлмаса муносиб натижа кўрсатишга уриниб кўрди, бироқ бу сафар ҳам омад кулиб боқмади. Бу ҳақда euro-football.ru хабар беради.
Учрашув Таиланд клуби фойдасига 2:0 ҳисобида якунланди. «Buriram United» биринчи бўлимнинг дастлабки дақиқаларидаёқ икки бор рақиб дарвозасини ишғол қилди: 11-дақиқада Гуд Кўртис, 22-дақиқада эса Супханат Муеанта гол урди. Кўп ўтмай «Shanghai Shenhua» бир футболчига камайиб қолди ва бу ўйин интригасини деярли сўндирди.
Маълумот учун, Леонид Слуцкий «Shanghai Shenhua» билан тузган амалдаги шартнома 2027 йил охиригача мўлжалланган.
“Zamin”ни Telegram'да ўқинг!
