Осиё Чемпионлар лигасида «Шанхай Шэньхуа» етти тур якунга кўра плей-оффга чиқиш имкониятдан айрилган эди. 8-турда «Бурирам Юнайтед»га қарши баҳс Леонид Слуцкий жамоаси учун мусобақани муносиб якунлаш, сўнгги бор ўз сўзини айтиб қолиш имконияти бўлди, бироқ буни амалга ошира олмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига ҳал бўлди. «Бурирам Юнайтед» илк бўлимнинг дастлабки дақиқаларидаёқ икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Муеанта Супханат гол урди. Кўп ўтмай «Шанхай Шэньхуа» майдонда бир футболчига камайиб қолди ва ўйиндаги интрига деярли сўнди.
Қайд этиш жоиз, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
