«Шанхай Шэньхуа» Осиё Чемпионлар лигасида 7-турдан сўнг плей-оффга чиқиш имкониятини бой берганди. 8-турда «Бурирам Юнайтед»га қарши баҳсда Леонид Слуцкий шогирдлари турнир билан хайрлашиш олдидан ҳеч бўлмаса яхши таассурот қолдиришга уриниб кўрди, бироқ бу режа иш бермади. Бу ҳақда euro-football.ru хабар беради.
Учрашувда Таиланд вакили 2:0 ҳисобида ғалаба қозонди. «Бурирам Юнайтед» дастлабки бўлимнинг бошидаёқ кетма-кет икки бор рақиб дарвозасини ишғол қилди: 11-дақиқада Гуд Кёртис, 22-дақиқада эса Супханат Муэанта гол урди. Орадан кўп ўтмай «Шанхай Шэньхуа» бир футболчисини йўқотиб, майдонда бир киши кам қолиб кетди ва ўйиндаги интрига деярли сўнди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
