Осиё Чемпионлар лигасида етти турдан сўнг плей-офф умидлари сўнган «Шанхай Шэньхуа» саккизинчи турда «Бурирам Юнайтед»га қарши учрашувда ҳеч бўлмаганда турнир билан муносиб хайрлашишга уриниб кўрди. Бироқ Леонид Слуцкий жамоаси бу вазифани ҳам уддалай олмади. Бу ҳақда euro-football.ru хабар беради.
Таиланд вакили «Бурирам Юнайтед» 2:0 ҳисобида ғалаба қозонди. Учрашувнинг аввалидаёқ, 11-дақиқада Гуд Кёртис ҳисобни очди, 22-дақиқада эса Муеанта Супханат иккинчи голни киритди. Тез орада «Шанхай Шэньхуа»нинг бир футболчиси четлатилиб, майдонда сон жиҳатдан кам бўлиб қолди ва ўйиндаги интрига деярли йўқолди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
