«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада яна майдонга қайтиши кутилаётган бўлса-да, бу сафар ҳам унинг иштироки бўлмайди.
Жезушнинг айтишича, жамоа тиғиз тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий бунинг ортида чемпионатдаги «Ал-Фатeҳ»га қарши муҳим ўйин турганини таъкидлади.
Шунингдек, у Роналдунинг Саудия Арабистонидан ташқарида ўтадиган учрашувларни ўтказиб юбориши биринчи ҳолат эмаслигини эслатиб ўтди, дея келтиради Al Nassr Zone.
Саудия чемпионати доирасидаги «Ал-Фатeҳ» – «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
