Осиё Чемпионлар лигасида етти турдан сўнг «Шанхай Шэньхуа» плей-офф йўлланмаси учун кураш имкониятини бой берди. Саккизинчи турда Леонид Слуцкий жамоаси «Бурирам Юнайтед»га қарши ўйинда ҳеч бўлмаса мусобақа билан муносиб хайрлашишга уриниб кўрди, бироқ бу сафар ҳам натижа чиқмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида ғалаба қозонди. Биринчи бўлимнинг дастлабки дақиқаларидаёқ «Бурирам Юнайтед» кетма-кет икки бор рақиб дарвозасини ишғол этди: 11-дақиқада Гуд Кўртис, 22-дақиқада эса Супҳанат Муанта гол муаллифи бўлди. Тез орада «Шанхай Шэньхуа» бир футболчисидан айрилиб, майдонда камчиликда қолди ва бу ҳолат ўйиндаги интрига деярли йўқолишига олиб келди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
