Италия А Сериясида «Фиорентина» турнир жадвалининг қуйи қисмидаги бевосита рақиби — «Пиза»га қарши баҳсда ғалабани қўлга киритди. Шунга қарамай, жамоа устози, аввал Москвадаги «Спартак» клубини бошқарган Винченсо Ваноли учрашувдан сўнг тўлиқ қониққандек кўринмади. Бу ҳақда euro-football.ru хабар беради.
«Бу биз учун керакли ва жуда муҳим ғалаба. Уни мухлисларимизга бағишлайман — уларни кўп ҳам хурсанд қила олмагандик. Нега иккинчи бўлимда сустроқ ўйнадик? Рақиб марказий чизиқни юқорироқ кўтарди, биз эса бироз сусткашлик қилдик ва ўйин тезлигини оширмадик. Бу жиҳатларни албатта таҳлил қиламиз, аммо ҳозирча ҳеч бўлмаганда кайфият анча яхшиланди», — дея Ванолининг сўзларини fiorentinanews.com келтирди.
Ушбу ғалабадан кейин «бинафшалар» А Серия турнир жадвалида 16-ўринга кўтарилди.
“Zamin”ни Telegram'да ўқинг!
