Осиё Чемпионлар лигасида етти турдан сўнг плей-офф йўлланмаси учун имкониятларини бой берган «Шанхай Шэньхуа» саккизинчи турда «Бурирам Юнайтед»га қарши фақатгина турнир билан чиройли хайрлашишга уриниб кўрди. Бироқ Леонид Слуцкий жамоаси бу вазифани ҳам уддалай олмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида ғалаба қозонди. «Бурирам Юнайтед» биринчи тайм бошидanoq икки бор рақиб дарвозасини ишғол қилди: 11-дақиқада Гуд Кёртис ҳисобни очган бўлса, 22-дақиқада Супханат Муанта устунликни иккитага етказди.
Тез орада «Шанхай Шэньхуа» футболчиларидан бири қизил карточка олиб, жамоа бир кишига кам бўлиб қолди. Шундан кейин ўйиндаги интрига деярли сўнди ва хитойликлар камбэк учун реал имконият топа олмади.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
