«Ал-Наср» бош мураббийи Жорже Жезуш Криштиану Роналдунинг навбатдаги учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада яна ўйинларга қайтиши кутилган бўлса-да, бу сафар ҳам рўйхатдан жой олмайди.
Жезушнинг айтишича, жамоа тиқиз тақвим сабаб Роналдуни ва асосий таркибдаги яна бир қатор футболчиларни асрашга қарор қилган. Мураббий «Ал-Фатех»га қарши муҳим ўйин олдидан кучларни тежаш зарурлигини таъкидлади.
Мутахассиснинг сўзларига кўра, Роналдунинг дам олиши янгилик эмас: у Саудия Арабистонидан ташқарида ўтадиган ўйинларнинг барчасида ҳам мунтазам қатнашавермайди.
Саудия чемпионатидаги «Ал-Фатех» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
