«Al-Nasr» bosh murabbiyi Zhorzhe Zhezush Krishtianu Ronalduning navbatdagi uchrashuvda maydonga tushmasligi sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi bahs olib boradi. Portugaliyalik yulduz hujumchi tez orada yana o'yinlarga qaytishi kutilayotgan bo'lsa-da, bu safar ham ro'yxatdan joy olmaydi.
Zhezushning aytishicha, jamoa tig'iz taqvim sabab Ronalduni va asosiy tarkibdagi yana bir qator futbolchilarni asrashga qaror qilgan. Murabbiy «Al-Fateh»ga qarshi muhim o'yin oldidan kuchlarni tejash zarurligini ta'kidladi.
Mutaxassisning so'zlariga ko'ra, Ronalduning dam olishi yangilik emas: u Saudiya Arabistonidan tashqarida o'tadigan o'yinlarning barchasida ham muntazam qatnashavermaydi.
Saudiya chempionatidagi «Al-Fateh» — «Al-Nasr» uchrashuvi shanba, 14-fevral kuni bo'lib o'tadi.
“Zamin”ni Telegramʻda oʻqing!
