Марсело Гальярдо бош мураббий сифатида сўнгги учрашувини ўтказди: унинг жамоаси «Банфилд»га қарши баҳсда «Ривер Плейт» билан 3:1 ҳисобида ғалаба қозониб, кетма-кет учта мағлубиятдан иборат омадсиз серияни тўхтатди. Бу ҳақда euro-football.ru хабар беради.
Айнан ўша муваффақиятсиз натижалар Гальярдонинг лавозимини сақлаб қолишига халақит берди, бироқ клуб унга муносиб тарзда хайрлашиш имконини тақдим этди. У эса бу лаҳзани ҳиссиётларга бой, томошабинни ларзага соладиган даражада ўзига хос тарзда якунлади.
Ўйиндан сўнг кўз ёшларини тия олмаган Гальярдо шундай деди: «Барчангизга шунчаки раҳмат. Сизнинг меҳрингизни сўз билан ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли маскан: кетган тақдирингда ҳам барибир клуб билан бирга қоласан».
Эслатиб ўтамиз, Марсело 90-йилларда «Ривер Плейт» сафида тўп сурган ва Аргентина терма жамоасида ҳам ўйнаган.
“Zamin”ни Telegram'да ўқинг!
