2009 йил октябрида Қозоннинг «Рубин» жамоаси Чемпионлар лигасида катта шов-шув кўтарган: «Камп Ноу»да «Барселона»ни 2:1 ҳисобида мағлуб этганди. Ўша учрашувда тўп сурган собиқ яримҳимоячи Кристиан Нобоа ўша натижа учун берилган бонуслар миқдорини эслaди. Бу ҳақда euro-football.ru хабар беради.
Эквадорлик футболчининг айтишича, бу унинг фаолиятидаги энг йирик мукофот пулларидан бири бўлган. «Ҳар бир ўйинчи 80 минг доллар олди», — дея Нобоанинг сўзларини келтиради «Спорт-Экспресс».
Нобоа бу пулни шошилинч харажатларга сарфламаганини ҳам таъкидлади: у маблағни жамғармага олиб қўйган, чунки ўшанда ҳам вазминроқ йигит бўлганини айтади.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ поғоналарда якунлаган, Киевнинг «Динамо»си эса сўнгги ўринда қолган.
“Zamin”ни Telegram'да ўқинг!
