2009 йил октябрида Қозоннинг «Рубин» клуби Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша жамоанинг собиқ ярим ҳимоячиси Кристиан Нобоа айнан шу ғалабадан кейин берилган мукофот пулларини эслади. Бу ҳақда euro-football.ru хабар беради.
Нобоанинг сўзларига кўра, бу унинг фаолиятидаги энг катта премиялар бўлган: ҳар бир футболчига 80 минг доллардан тўланган. У бу ҳақда «Спорт-Экспресс»га берган изоҳида айтиб ўтди.
Эквадорлик футболчи ўша пулга ҳеч нарса харид қилмаганини, аксинча маблағни жамғариб қўйганини таъкидлади. Унинг айтишича, ўша пайтнинг ўзида ҳам анча мулоҳазали йигит бўлган.
Эслатиб ўтамиз, 2009/2010 йилги мавсум Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқори поғоналарда якунлаган бўлса, Киевнинг «Динамо»си энг пастда қолган.
“Zamin”ни Telegram'да ўқинг!
