«Галатасарой» ҳужумчиси Мауро Икардининг агентлари футболчининг клубдаги кейинги режаларига доир масалаларни муҳокама қилиш учун раҳбарият билан учрашув тайёрламоқда. Бу ҳақда euro-football.ru хабар беради.
Инсайдер Николо Скиранинг хабарига кўра, футболчи вакиллари ва Истанбул клуби раҳбарияти ўртасидаги учрашув апрел ойида бўлиб ўтади.
Шу билан бирга, Икардига бошқа жамоалардан ҳам қизиқиш бор: айрим клублар уни эркин агент сифатида шартнома билан қўлга киритишга тайёр.
33 ёшли аргентиналик форварднинг «Галатасарой» билан амалдаги келишуви 2026 йил 30 июнгача мўлжалланган. Унинг трансфер бозоридаги баҳоси 6 миллион евроға тенг.
2025/2026 йилги мавсумда Икарди 36 учрашувда майдонга тушиб, 15 гол урди ва 2 та голли пас берди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
