Марсело Галлардо мураббий сифатида сўнгги бор жамоа бошида майдонга тушди: у «Банфилд»га қарши учрашувда жамоасини 3:1 ҳисобидаги ғалабага бошлаб келди. Шу тариқа клуб кетма-кет учта мағлубиятдан иборат омадсиз серияни якунлади. Бу ҳақда euro-football.ru хабар беради.
Айнан ўша муваффақиятсиз натижалар Галлардонинг ўрнини йўқотишига сабаб бўлгани айтилади, бироқ унга муносиб тарзда хайрлашиш имконияти берилди. У эса бу лаҳзани ҳиссиётга бой саҳнага айлантириб, стадионни ларзага келтирди.
Ўйиндан кейин кўз ёшларини яширмаган Галлардо мухлисларга миннатдорлик билдириб: «Ҳаммангизга шунчаки раҳмат. Бу қадар меҳрни сўз билан ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли маскан: кетсанг ҳам, барибир клуб билан қоласан», деди.
Эслатиб ўтамиз, Галлардо 1990-йилларда клуб сафида тўп сурган ва Аргентина терма жамоаси шарафини ҳам ҳимоя қилган.
“Zamin”ни Telegram'да ўқинг!
