Marselo Gallardo murabbiy sifatida so'nggi bor jamoa boshida maydonga tushdi: u «Banfild»ga qarshi uchrashuvda jamoasini 3:1 hisobidagi g'alabaga boshlab keldi. Shu tariqa klub ketma-ket uchta mag'lubiyatdan iborat omadsiz seriyani yakunladi. Bu haqda euro-football.ru xabar beradi.
Aynan o'sha muvaffaqiyatsiz natijalar Gallardoning o'rnini yo'qotishiga sabab bo'lgani aytiladi, biroq unga munosib tarzda xayrlashish imkoniyati berildi. U esa bu lahzani hissiyotga boy sahnaga aylantirib, stadionni larzaga keltirdi.
O'yindan keyin ko'z yoshlarini yashirmagan Gallardo muxlislarga minnatdorlik bildirib: «Hammangizga shunchaki rahmat. Bu qadar mehrni so'z bilan ifodalash qiyin. Men butunlay ketmayapman. «River»dan hech kim abadiy ketmaydi. Bu sehrli maskan: ketsang ham, baribir klub bilan qolasan», dedi.
Eslatib o'tamiz, Gallardo 1990-yillarda klub safida to'p surgan va Argentina terma jamoasi sharafini ham himoya qilgan.
“Zamin”ni Telegramʻda oʻqing!
