Туркияда «Галатасарай» ва «Фенербахче» сафида тўп сураётган икки футболчи тикишлар билан боғлиқ иш бўйича қамоқ жазоси хавфи остида қолмоқда. Бу ҳақда euro-football.ru хабар беради.
Гап «Галатасарай» вакили Метехан Балтаджи ҳамда «Фенербахче» сардори Мерт Ҳакан Яндаш ҳақида бормоқда. Маълумотларга кўра, Балтаджи 13 йилгача, Яндаш эса 17 йилгача озодликдан маҳрум этилиши мумкин.
Sabah нашри ёзишича, Балтаджи камида икки марта «Галатасарай» ўйинларига тикиш қўйган. У ўша баҳсларда асосий таркибда бўлмаган, бироқ қайдномага киритилгани учун учрашув натижасига билвосита таъсир ўтказиш имконияти бор деб баҳоланмоқда.
Амалдаги турк қонунчилигига кўра, у букмекерларга профессионал спортчи эканини олдиндан маълум қилиши шарт эди, аммо футболчи бу талабни бажармагани таъкидланмоқда.
“Zamin”ни Telegram'да ўқинг!
