Грузиялик ҳужумчи Хвича Кварасхелия жорий ёзги трансфер ойнасида "PSJ" клубини тарк этиш ниятида эмас. Бу ҳақда футболчининг отаси Бадри Кварасхелия ОАВга берган интервьюсида маълум қилди. Бу ҳақда Goal.com хабар беради.
Сўнгги вақтларда Лондоннинг "Арсенал" клуби 25 ёшли вингерга жиддий қизиқиш билдираётгани ҳақида хабарлар тарқалган эди. Бироқ футболчининг яқинлари бу маълумотларни рад этиб, унинг келажаги фақат Париж билан боғлиқлигини таъкидламоқда.
Кварасхелия Франция грандининг узоқ муддатли лойиҳасига тўлиқ содиқ қолишга қарор қилган. Ҳозирда футболчи жамоа билан биргаликда кетма-кет Чемпионлар лигаси ғолиблигини қўлга киритишни мақсад қилган.
Эслатиб ўтамиз, грузиялик иқтидор эгаси ўзининг ёрқин ўйинлари билан Европанинг бир қатор етакчи клублари эътиборини тортиб келмоқда. Шунга қарамай, "PSJ" раҳбарияти ҳам асосий етакчиларидан бирини қўйиб юбормоқчи эмас.
“Zamin”ни Telegram'да ўқинг! 
