Юқори қон босими белгиларини ўз вақтида билиб олинг
Гипертония кўп ҳолларда аломациз кечади, қон босими одатда 180/110 мм. симоб устунидан ошмагунича сезиларли белгилар кузатилмаслиги мумкин. Узоқ вақт давом этган юқори қон босими тез-тез, айниқса кечаси ҳожатга чиқиш, кўришнинг хиралашиши ёки икки хил кўриш, оёқларда шиш, нафас қисиши ва тез чарчашга олиб келиши мумкин.
Гипертония ёки юқори қон босими – кўп ҳолларда аломатсиз кечадиган, аммо организмга жиддий зарар етказадиган касаллик ҳисобланади. Одатда қон босими 180/110 мм. симоб устунидан ошмагунича у сезиларли белгилари билан билинмаслиги мумкин. Бироқ қон босими узоқ вақт давомида юқори бўлса, у турли аъзоларга салбий таъсир кўрсатади.
Кенг тарқалган аломатлар орасида тез-тез ҳожатга чиқиш, айниқса кечаси уйғониш, кўришнинг хиралашиши ёки икки хил кўриш, оёқларда шиш пайдо бўлиши кузатилади. Шунингдек, нафас қисиши, тез чарчаш, заифлик, безовталик, бурундан қон кетиши ҳам юқори қон босимининг кўринишларидан бири бўлиши мумкин. Юрак уришининг нотекислиги, оғриқ сезилиши, бош айланиши ва бош оғриғи ҳам гипертониядан дарак беради.
Гипертониянинг сабаблари турлича бўлиб, улар орасида генетик омиллар ва ташқи муҳит таъсири етакчи ҳисобланади. Биринчи даражали қариндошларида гипертония бўлган одамларда касалликка чалиниш эҳтимоли юқори.
Энг кўп учрайдиган сабаблар қаторида ҳаддан ташқари тузли овқатларни истеъмол қилиш, қон томирларининг ториши, буйрак касалликлари, қандли диабет, қалқонсимон без муаммолари, юракдаги аорта чиқиш йўлининг торлиги, гормонал бузилишлар, шунингдек, буйрак ўсмалари каби ҳолатлар қайд этилади.
Изоҳлар 0
…