Мутахассисларнинг айтишича, кундалик ҳаётдаги айрим фойдали одатлар хотирани мустаҳкамлаш ва мия фаолиятини яхшилашга ёрдам беради. Айниқса, замонавий ҳаётдаги стресс ва доимий ахборот оқими сабаб инсон мияси кўпроқ дам ва машққа муҳтож бўлмоқда.
Шифокорлар мунтазам уйқу хотира учун энг муҳим омиллардан бири эканини таъкидлайди. Етарли уйқу вақтида мия кун давомида олинган маълумотларни қайта ишлайди ва мустаҳкамлайди. Уйқусизлик эса диққат ва эслаб қолиш қобилиятини пасайтириши мумкин.
Бундан ташқари, китоб ўқиш, янги тилларни ўрганиш, мантиқий ўйинлар ва жисмоний фаоллик ҳам мия фаолиятига ижобий таъсир қилади. Мутахассислар айниқса пиёда юриш ва спорт билан шуғулланиш қон айланишини яхшилаб, мияга кўпроқ кислород етиб боришига ёрдам беришини айтмоқда.
“Zamin”ни Telegram'да ўқинг!
