Флорентино Перез: Барселона ўз қилмишлари учун жавоб бериши шарт
Реал Мадрид президенти Флорентино Перез ҳакамлар қўмитаси собиқ вице-президенти Хосе Мария Энрикес Негрейрага тўланган пуллар сабабли Барселона билан муносабатлар бутунлай узилганини маълум қилди. У каталонияликларнинг бу қилмишини футбол тарихидаги энг катта коррупсия деб атаб, улар ўз қилмишлари учун жавоб бериши шартлигини таъкидлади. Шунингдек, Мадрид клуби ушбу коррупсия иши бўйича UEFAга 500 саҳифалик ҳужжатлар тўпламини тақдим этишга тайёрланмоқда.
Реал Мадрид президенти Флорентино Перез Барселона билан муносабатлар бутунлай узилганини маълум қилди. У каталонияликлар томонидан ҳакамлар қўмитаси собиқ вице-президенти Хосе Мария Энрикес Негрейрага тўланган пуллар билан боғлиқ можарони футбол тарихидаги энг катта коррупция деб атади. Бу ҳақда Goal.com хабар беради.
Перезнинг таъкидлашича, икки клуб ўртасидаги алоқалар эндиликда мавжуд эмас. "Мен йигирма йил давомида ҳакамларга пул тўлаган клуб билан муносабатда бўлишни истамайман. Улар ўз қилмишлари учун жавоб беришлари керак", – деди Реал Мадрид раҳбари.
Мадрид клуби ушбу иш бўйича UEFAга 500 саҳифалик ҳужжатлар тўпламини тақдим этишга тайёрланмоқда. Перезнинг сўзларига кўра, Барселона томонидан амалга оширилган бу ҳаракатлар жорий мавсумда Реал Мадриднинг 16 дан 18 гача очко йўқотишига сабаб бўлган.
Ўз навбатида, Барселона вице-президенти Рафа Юсте бу айбловларни кескин рад этди. У Флорентино Перезнинг сўзларини "ачинарли ва ёлғонга тўла" деб атаб, буни Мадрид клубининг мавсумдаги муваффақиятсизликларини яширишга уриниш сифатида баҳолади.
Изоҳлар 0
…