Россиянинг импорт ўрнини босувчи Ту-214 йўловчи самолётларини тижорий авиақатновларга чиқариш муддати 2027-йилга кўчирилди. Бирлашган авиация корпорацияси (ОАК) маълумотларига кўра, илк тайёр лайнер Ред Вингс авиакомпаниясига лизинг схемаси асосида топширилади. Бу ҳақда Ixbt.com хабар беради.
Таъкидлаш жоизки, импорт ўрнини босувчи Ту-214 модели 2025-йил охирида сертификациядан ўтган эди. Ҳозирги кунда Ред Вингс ушбу турдаги самолётлардан фойдаланаётган ягона тижорий авиаташувчи ҳисобланади. ОАК дастлабки босқичда 11 та самолёт етказиб беришни режалаштирган, бироқ уларнинг аниқ қиймати ҳозирча ошкор этилмаган.
Шунингдек, С7 Airлинес компанияси 100 та самолётга буюртма берган. Бироқ, авиакомпания кабинани икки кишилик экипаж учун мослаштиришни талаб қилмоқда. Ҳозирги импорт ўрнини босувчи версия эса икки учувчи ва борт муҳандисидан иборат уч кишилик экипаж учун мўлжалланган.
Мутахассисларнинг фикрича, икки кишилик экипаж бошқарувига эга серияли самолётлар фақат 2029-йилга келибгина фойдаланишга топширилиши мумкин. Бу эса лойиҳанинг техник жиҳатдан мураккаблигини ва модернизация жараёнлари давом этаётганини кўрсатади.
“Zamin”ни Telegram'да ўқинг!
