Ёшликни сақлаб қолиш нафақат генетикага, балки овқатланиш тарзига ҳам боғлиқ. Айрим маҳсулотлар борки, уларни тез-тез истеъмол қилиш тери ҳолатига ва организмга салбий таъсир кўрсатади. Масалан, ортиқча шакар терининг эластиклигини пасайтириб, эрта ажинлар пайдо бўлишига сабаб бўлиши мумкин. Бу эса инсонни тезроқ қаригандек кўрсатади.
Шунингдек, қайта ишланган маҳсулотлар ва фастфудлар ҳам қариш жараёнини тезлаштиради. Улар таркибидаги трансёғлар ва қўшимчалар ҳужайраларга зарар етказади. Бу эса нафақат ташқи кўринишга, балки ички органлар фаолиятига ҳам салбий таъсир кўрсатади.
Ёғли ва қиздирилган таомлар ҳам организм учун оғир ҳисобланади. Бундай овқатлар қон айланишини ёмонлаштириб, терининг рангини сусайтириши мумкин. Натижада инсон чарчаган ва қаригандек кўриниши эҳтимоли ортади.
“Zamin”ни Telegram'да ўқинг!
